Хонанда Канизанинг «Истиқлол» санъат саройида тўй ўтказишига «Ўзбекнаво» рухсат бермаяпти. Бу ҳақда «Даракчи.uz» хабар берган.

«Канизанинг шов-шувли ўтиши кутилаётган концерт дастури, таваллуд айёми ва тўй оқшомининг баннери тайёр бўлди. Баннерда Канизани доимгидек ноанъанавий қиёфада кўриш мумкин», дейилади хабарда.

Баннерда кўриш мумкинки, хонанда 28 апрель куни «Истиқлол» санъат саройида тўй ўтказишни режалаштирган.

Нашр мухбири бўлажак тадбирга яна бир бор аниқлик киритиш мақсадида хонанда билан боғланган.

Хонанда саволларга жавоб бериш давомида тўйини «Истиқлол» саҳнасида ўтказиш фикридан қайтмаганини, бу ғояга бўлажак турмуш кўндириш учун анча ҳаракат қилганини, лекин ҳозирча бунга «Ўзбекнаво» кўнмаётганини билдириб ўтган.

У агар бу ғоя амалга ошмай қоладиган бўлса, "тўйни ҳамма қатори бирор ресторанда ўтказишдан бошқа чора қолмаслиги"ни қўшимча қилган.

«Концертдан сўнг. Балки бу тадбирни хорижда нишонлармиз… Буни вақт кўрсатади», дейди шу хусусдаги саволга жавобан.

У тўй либосларини танлаб бўлганини, ҳозирда уни италиялик дизайнер тайёрлаётганини айтиб, кўйлакнинг нархини сир сақлаган.