Париждаги уйлардан бирида шер, леопардлар тулуми ва тимсоҳ боши топилди

Жаҳон 16 Февраль 2016 2627

Париждаги уйлардан бирида шерлар, леопардлар тулуми ва тимсоҳ боши топилди, деб хабар бермоқда Associated Press ахборот агентлиги.

Франциялик расмийларнинг айтишича, тулумлар мусодара қилинган ва Париж миллий тарих музейига етказилган. Париж божхона хизматининг айтишича, топилмалар қўриқланувчи жонзотларнинг охирги вақтдаги энг йирик мусодараси бўлди.

Ҳайвонлар Африкада 1980-йилларда ўлдирилган ва шу вақтдан бери Безансон шаҳри яқинидаги уйлардан бири бошқа ўнлаб ноёб ҳайвон турларининг тулуми билан сақланган. Ҳайвонлар уй эгасининг марҳум отаси томонидан ўлдирилган.

Маълум қилинишича, ҳайвонлар ўлик бўлишига қарамасдан, улар йўқ бўлиб кетиш хавфи остида турган ёввойи табиат ва ўсимлик турларини халқаро савдоси ҳақидаги Вашингтон конвенцияси билан ҳимояланган. Тулумлар 16 февралда музейга олиб борилган.

"Бу ҳайвонлар жуда чиройли, ажаб ва қимматли жонзотлардир", деб айтди француз божхонаси бошлиғи Елена Крокуэвелли.

Крокуэвеллининг айтишича, топилган тулумлар ҳар йили француз божхонаси томонидан мусодара қилинадиган юзлаб ноёб ҳайвонларнинг кичик бир қисмини ташкил қилади. Божхоначилар браконьерлар томонидан ноқонуний олинган каркидон ва фил шохларини ҳам кўплаб топишади. Бу шохлар майдаланиб, халқ дорилари тайёрлашда ишлатилади.

"Бундай савдо қурол-аслаҳа ва гиёҳванд моддалар савдосидан кўра кўпроқ даромад келтиради", деб таъкидлаб ўтди Крокуэвелли.

Ноқонуний коллекция эгаси бўлган овчининг ўғлига жарима солинди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 29789 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 66364 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8623 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 127603 Жамият
ОАВ: ИШИД Сургутдаги ҳужум учун жавобгарликни ўз зиммасига олди
19:30 560 Жаҳон
Қашқадарёда учта йирик тиббиёт маркази барпо этилмоқда
NASA улкан астероиднинг Ерга яқинлашишини кўрсатди (видео)
19:10 2521 Жаҳон
«Барселона» «Ницца» футболчиси билан келишувга эришди
19:00 908 Спорт
Дам олиш куни Ўзбекистонда қандай об-ҳаво кузатилади?
«Манчестер Юнайтед» иккинчи турда ҳам йирик ғалабага эришди
18:40 2269 Спорт
Кўпроқ янгиликлар