Саудия Арабистони Мудофаа вазири маслаҳатчиси Аҳмад Асирий саудиялик ҳарбийларнинг Туркияга жўнатилгани ҳақидаги хабарларни рад этди. Бу ҳақда Sputnik ахборот агентлиги хабар тарқатган.

Туркияда айни вақтда Саудия Арабистонининг қуруқликда ҳаракатланадиган қўшинлари мавжуд эмас", деган вазирлик вакили.

Эслатиб ўтамиз, Туркия ташқи ишлар вазири Мевлют Чавушўғлу ўтган ҳафта шанба куни, 13 февралда Саудия Арабистони Сурияда қуруқликдаги операцияларда иштирок этиш эҳтимолини назарда тутиб, Туркиянинг Инжирлик базасига қўшинлари ва қирувчи самолётларини жўнатишини айтиб ўтганди.

Кўп ўтмасдан Туркия ва Саудия Арабистони ҳамкорликдаги ҳарбий машғулотларни бошлагани ҳақида хабар берилди.

Машғулотлар Туркиянинг Коня вилоятида режали асосда ўтказилаётгани, ҳарбий манёврларда Саудия Арабистонининг F-15 русумдаги олтита қирувчиси иштирок этаётгани айтилганди.