17 февраль куни футзал бўйича Осиё чемпионатининг чорак финали учрашувларидан биринчиси мезбон жамоа бўлмиш Ўзбекистон термаси ҳамда Ироқ терма жамоалари ўртасида ўтказилди.

Ўйинда 3:0 ҳисобида Ўзбекистон вакиллари ғалаба қилишди ва ярим финалга чиқишди.

Ўйиндаги голларга Дилшод Раҳматов (18 ва 39-дақиқаларда) ҳамда Нодир Элибоев (31-дақиқада) муаллифлик қилишди.

Бу ғалаба жамоага ярим финалга чиқишдан ташқари Колимбияда ўтадиган Жаҳон чемпионатига йўлланма тақдим этди. Шу тариқда ўзбекистонликлар футзал бўйича жаҳон чемпионатида ўз тарихида илк марта иштирок этади. Колумбиядаги жаҳон чемпионати 2016 йилнинг 10 сентябридан 1 октябригача бўлиб ўтади.

Жамоани турнирда 19 февраль куни Таиланд термасига қарши ўтказиладиган ярим финал ўйини турибди. Таиландликлар чорак финалда Австралияни 6:1 ҳисобида мағлуб этишди.

Футзал, Осиё чемпионати
Чорак финал
Ўзбекистон - Ироқ - 3:0
Голлар: Дилшод Раҳматов (18, 39), Нодир Элибоев (31)
Ўзбекистон: Рустам Умаров, Дилшод Раҳматов, Фарҳод Абдумавлонов, Артур Юнусов, Константин Свиридов
Захира: Дилшод Ирсалиев, Нодир Элибоев, Феруз Фахриддинов, Даврон Чориев, Жавлон Аноров, Андрей Шлема, Жамолиддин Шарипов, Акмалжон Хазратқулов, Клим Тюгаев
Ироқ: Муҳаммад Нур, Хуссайн Али Муҳаммад, Хасан Ал Жаббор, Рафид Ҳамид, Волид Холид
Захира: Мустафо Бачай, Фирас Муҳаммад, Абулфадҳел Аббос, Салим Файсал, Моҳир Фадхил, Амжад Карим, Умар Сабти, Саиф Абдулмалик.