Украина президенти Пётр Порошенко Ўзбекистон билан Мустақил Давлатлар Ҳамдўстлигининг эркин савдо ҳудуди ҳақидаги келишувини қўллаш бўйича баённомани ратификация қилишни кўзда тутувчи қонунни имзолади.

Баённома кучга киргач, 2011 йил 18 октябрда қабул қилинган эркин савдо ҳудуди ҳақидаги келишувнинг барча қоидалари баённомада кўзда тутилган барча шартлар ҳисобга олинган ҳолда Ўзбекистон ва Украина ўртасидаги муносабатларда кучга киради. Бу эса МДҲ доирасида эркин савдо ҳудудини кенгайтиришга имкон беради.

Баённомага кўра, Ўзбекистон Украинага нисбатан импорт ва экспорт божларини қўлламайди.

2011 йил 18 октябрда МДҲнинг 8 давлати (Россия, Украина, Беларусь, Қозоғистон, Арманистон, Қирғизистон, Молдова ва Тожикистон) эркин савдо ҳудудини яратиш ҳақида келишиб олганлар.

Манба:uzdaily.uz