TripAdvisor сайёҳлик хизмати саёҳатчилар орасида сўровнома ўтказиб, дунёнинг энг яхши пляжларини аниқлади. Daily Mail хабар беришича, биринчи ўрин Атлантика океанининг Теркс ва Кайкос архипелаг оролларининг бирида жойлашган феруза сувли ва оқ қумли Grace Bay пляжига насиб этди.

Grace Bay пляжи

Иккинчи ўринни сайт фойдаланувчиларидан бири қайд этганидек, ўзининг бетакрор кўриниши билан саробни эслатувчи Бразилиядаги Baia do Sancho эгаллади. Кучли учликни Кубадаги Playa Paraiso пляжи якунлади.

Бразилиядаги Baia do Sancho пляжи.

Кубадаги Playa Paraiso пляжи.

Шунингдек, рейтингнинг топ ўнталигига Anse Lazio (Сейшель ороллари), Cayo de Agua (Венесуэла), Flamenco Beach (Пуэрто-Рико), Playa de Ses Illetes (Испания), Ngapali Beach (Мьянма), West Bay Beach (Гондурас) ва Nacpan Beach (Филиппин) пляжлари киритилди.

Бундан ташқари, сайёҳлик хизмати жаҳоннинг турли минтақаларидаги энг яхши пляжлар рўйхатини ҳам тузиб чиқди. Унга кўра, Европада Playa de Ses Illetes (Испания), Африкада Anse Lazio (Сейшель ороллари) ва Осиёда Ngapali Beach (Мьянма) пляжлари энг яхши деб топилди.

Мазкур рейтингни тузишда TripAdvisor сайтида сўнгги 12 ой ичида саёҳатчилар томонидан қолдирилган мулоҳазаларнинг сони ва сифати инобатга олинди.