Gartner тадқиқот компаниясининг маълумотига кўра, 2015 йилнинг тўртинчи чорагида смартфон савдоси аввалги чоракка нисбатан 9.7 фоизга ўсиш кўрсатди, лекин ўсиш даражаси 2008 йилдан бери энг паст суратдагиси бўлди. Ўтган чоракда жами 403,1 млн. смартфон ишлаб чиқарилди.

Бунга қарамасдан, iPhone савдоси унинг биринчи сотувга чиққанидан бери 4.4 фоизга пасайиб, 2014 йил октябрь-декабрь ойларида смартфонлар бозоридаги Apple`нинг улуши 20.4 фоиздан 17.7 фоизга тушиб кетди. Умуман олганда 2015 йилда Apple ўзининг улушини 15.4 фоиздан 15.9 фоизга оширган.

“Ривожланаётган мамлакатлардаги арзон смартфонларга ва премиум смартфонларга бўлган кучли талаб асосий ҳаракатлантирувчи куч бўлмоқда”, – дейди Gartner`нинг тадқиқотлар бўйича раҳбари Аншул Гупта.

Долларнинг кучайиши ҳам Америка ишлаб чиқарувчиларига, жумладан, Apple`га ҳам, салбий таъсир кўрсатди, дея давом эттирди Гупта.

Тўртинчи чоракда энг юқори сотиш кўрсаткичларини (53 фоиз) Хитойнинг Huawei компанияси кўрсатди.

Смартфон ишлаб чиқарувчилар орасидаги етакчи ўринни Samsung сақлаб қолиб, ўз улушини 19.9 фоиздан 20.7 фоизга оширди. Лекин 2015 йил натижаларига кўра, умумий жиҳатдан Samsung`нинг сотиш суратлари ва бозордаги улуши пасайган.

“Премиум смартфонларининг сотувини пасайтириш ва мижозлар сонини ошириш учун Samsung iPhone`га рақобатлаша оладиган флагман қурилмаларини тақдим этиши зарур бўлади”, деб ҳисоблайди Гупта.