Кембриж герцогиняси Кетрин Миддлтон ҳамда АҚШнинг биринчи хоними Мишель Обама The Huffington Post UK нашрига руҳий саломатлик ҳақида мақола ёзишди. Кетрин мазкур онлайн-нашрнинг меҳмон муҳаррири бўлиб фаолият олиб бораётгани хабар қилинган эди. Шу тариқа шаҳзода Уильямнинг рафиқаси асосий эътиборни болаларнинг руҳий саломатлиги масалаларига қаратиш ниятида.

Герцогиня ўз мақоласида Young Minds Matter (Ёш онгларнинг аҳамияти) ташаббуси ҳақида сўзлаб ўтган. Унинг фикрича, кўплаб болалар, айниқса, ёрдам сўраш учун ўзида руҳий тетиклик ва қатъиятлиликни шакллантирмаган, тили чиқмаган 5 ёшдан кичик бўлган болалар қийин муаммоларга дуч келадилар.

Руҳий саломатлик масаласи аввалгидек ўз долзарблигини йўқотмаган. Шунингдек, ўз фарзандларига ёрдам беришдан қўрқувчи катталар ҳам кам эмас. “Энди бунга чек қўйиш вақти келди. Агар фарзандларимиз бирон бир кўмакка муҳтож бўлишса, кўплаб ота-оналар каби биз ҳам Уильям билан ўйланиб ўтирмасдан ёрдам беришга киришардик”, - дейди герцогиня.

АҚШ президентининг рафиқаси эса ўз мақоласида Кетринни The Huffington Post UK даги мақоласи орқали болалардаги руҳий саломатлик муаммоларига эътибор қаратаётганини мақтаб ўтган. Бундан ташқари, у 40 миллионга яқин америкаликлар руҳий нотинчлик ташхисидан азият чекаётганини таъкидлаган.