Таиландда бир йилдан ортиқ ноқонуний яшаш 3 йиллик, уч йилдан ортиқ ноқонуний яшаш эса 5 йиллик, беш йил ноқонуний яшаш – 10 йиллик мамлакатга кира олмаслик тақиқи билан жазоланади.

"Чет эллик фуқаролар қиролликда яшашнинг рухсат этилган муддатини бузишса, қайта келиш бўйича вақтинчалик тақиққа учрашади", дея хабар беради ТАСС.

Янги қонун 20 мартдан кучга киради.

Янги қоидага кўра, Таиландда чет эл фуқароси қонун бузса, беш йилдан ўн йилгача мамлакатга кира олмайди.

Ушбу тақиқ вояга етмаганларга, шунингдек, 20 мартгача Таиланддан чиқиб кетадиган чет элликларга тааллуқли эмас, аниқлик киритди Иммиграция идораси.

Ҳозирги қоидаларга кўра, мамлакатга қайта киришни тақиқловчи жазо кўзда тутилмаган, иммиграцион идора зобитлари фақатгина муддатдан ўтган ҳар бир кун учун 500 бат (14 доллар) жарима ёзиб беришлари мумкин, лекин жариманинг умумий миқдори 20 минг бат (570 доллар) дан ошмаслиги лозим. Жаримани тўлаб, мамлакатдан чиқиб, яна тўсиқсиз қайта кириш мумкин.

40дан ортиқ давлатлар фуқаролари Таиландга визасиз тартибда бориб, 30 кун давомида яшашлари мумкин. Бироқ баъзи саёҳатчиларнинг “бир ойи” бир неча йилларга чўзилиб кетиш ҳоллари кўпайиб кетгани шу қонуннинг ишлаб чиқилишига сабаб бўлди.