Хитойнинг Жицзао шаҳрида яшовчи 66 ёшли Чжан Дэян ўзининг "сохта" дафн маросимини саҳналаштириш учун 16 минг юань (2,5 минг доллар) сарфлади.

Маҳаллий ОАВда маълум қилинишича, эркак ўзининг сохта дафн маросимига 50 га яқин қариндошларини таклиф қилган, бироқ маросимга фақатгина 20 кишигина келган. Бироқ маросимга таклиф қилинмаган бўлсада, яқин қишлоқлардан кўплаб одамлар келди ва бу билан хитойликни хурсанд қилдилар.

Дафн маросими вақтида Чжан Дэяннинг ҳаққига дуолар айтаётганлар "марҳум" анъанавий дафн кийимида ичимликлар қўйилган стол олдига келиб ўтирганда ҳайратдан ёқаларини ушлашаёзди.

Бу "сохта дафн маросимини" амалга ошириш учун Дэян яхшигина тайёргарлик кўрди. У ўзининг қабри учун қабр тошини 2008 йилдаёқ тайёрлатиб қўйган. Дафн маросими янадаям ишончлироқ чиқиши учун ўзининг марҳум рафиқаси билан фиктив никоҳ тузган, чунки Хитойда нариги дунёга бўйдоқ кетиш ёмон аломат ҳисобланади.