Испаниянинг «Реал» клуби яримҳимоячиси Тони Кроос Англиянинг «Манчестер Сити» жамоасига қизиқишлари доирасига тушди. Бу ҳақда As нашри хабар тарқатмоқда.

Манбанинг маълум қилишича, «шаҳарликлар»нинг бўлажак бош мураббийи Хосеп Гвардиола ва клуб спорт директори Чики Бегиристайн 26 ёшли немис футболчисининг агенти билан кўришишган ва мавсум якунида амалга ошиши мумкин бўлган трансфер борасида гаплашиб олишган.

Газета хабарига кўра, «Сити» Кроосни мавсум якунида жамоани тарк этиши кутилаётган Яя Туренинг ўрнига олиб келишни режалаштирмоқда.

Хабарда қўшимча қилинишича, Крооснинг ўзи ҳозирда Мадридда йилига 5,5 миллион евро ишлаб топмоқда ва бошқа жамоага ўтишни истамаяпти.