Биокимёгар ва фотограф Линден Гледҳилл (Linden Gledhill) акустик тўлқинларни тасвирий санъат асарига айлантирди. Сув, неон лампалари ва махсус программа суюқликда товушнинг ҳаракатларини “суратга олишга” ёрдам берди.

Гледхилл компьютерга уланган акустик карнайларни сув тўлдирилган идишга улади. Программа синусоидал товуш тўлқинларини ишлаб чиқарди. Кейин фотограф идишнинг устига чиқиб, ҳосил бўлган калейдоскопик тасвирларни диодли лампалар ёрдамида суратга олди.

"Диодлар товуш ҳаракатини секинлаштириб, тўлқинларга жило бағишлади, шунинг учун уларнинг тасвири аниқ чиқди", дейди Гледҳилл.

"Ёрқин неон ранглари ва ўралган чизиқлар товушнинг максимал визуализациясига эришишга имкон беради. Агар табиатдаги геометрик симметрияни эсга олсак, товуш вибрациялари денгиз моллюскаларини ва тошбақаларини эслатади”, деб таъкидлайди фотограф.

Бошқа тўлқинлар каби, товуш частотаси, амплитудаси, узунлиги ва тезлиги билан тавсифланади.

Товуш табиатининг хусусияти ҳақида Леонардо да Винчи 1500 йилда ўз фаразларини берганди.