Грецияга келаётган қочқинлар сони кескин кўпайиб кетди, деб ёзмоқда Kathimerini газетаси.

Таъкидланишича, 16-19 февраль кунлари Грецияга 11 мингдан кўпроқ қочқин келган.

БМТнинг қочқинлар ишлари бўйича бошқармаси маълумотларига кўра, 18 февралда Грецияга 4,6 мингга яқин, 19 февралда эса 4,8 мингга яқин қочқин келган. Шу билан бирга йил бошидан бери Грецияга кунига 1,74 мингга яқин қочқин келмоқда.

2016 йилнинг февралидан бошлаб Грецияга 27,5 мингдан кўпроқ муҳожир келган.

Аввалроқ Греция жорий йилда миграция инқирози билан курашиш учун ўз ялпи ички маҳсулотининг 0,3 фоизга яқинини ёки 600 млн евро сарфлаши маълум қилинганди. Болқон давлатлари билан чегара ёпилгани сабабли кўпроқ сондаги муҳожирлар Грецияда қолишга қарор қилса, бу миқдор янада ошиши мумкин.