Франция президенти Франсуа Олланд Сурия деб Россия ва Туркия ўртасида уруш чиқиши хавфи борлигини айтди, деб хабар бермоқда Reuters ахборот агентлиги.

Олланд бу ҳақда France Inter радиостанцияси эфирида айтиб ўтди. У ихтилофнинг авж олмаслиги учун барча имкони бор ишни амалга ошириш лозимлигини таъкидлаб ўтди.

Франция президенти "музокаралар қайта бошланиши, бомбардимонлар тўхтатилиши, инсонпарварлик ёрдами етказилиши зарурлигини" таъкидлади.

Аввалроқ Олланд Россия ҳукуматини Сурия президенти Башар Асад маъмуриятига ёрдам беришдан воз кечишга чақирганди.