«Манчестер Сити» жамоаси бош мураббийи Мануэль Пеллегрини Англия Кубогининг нимчорак финалидан ўрин олган «Челси»га қарши ўйини арафасида журналистларга интервью берди.

У икки жамоа ҳам ўйинга иккинчи таркибни туширишни режалаштиргани ҳақида айтган.

«Албатта, мен бу ўйин ҳақиқий ўйин каби бўлишига кафолат бермайман. Бундай ўйин учун чипта сотиб олмаган бўлардим. Бир ҳафта олдиноқ бу ўйинга асосий таркибдаги биронта ўйинчини қўймасликни ҳал қилиб бўлгандим.

Мен «Челси»га қарши ўйинимизга келган мухлислар ўзлари истаганидек завқ олишига ишонч билдирмайман.

Албатта мен оддий мухлис эмасман. Мен ёшларимиз ўйинини кузатмоқчиман», – дейди Пеллегрини.

Қайд этиш керакки, манчестерликларда айни вақтда бир қатор футболчилар жароҳат туфайли сафдан чиқишган. Қолаверса айни вақтда тақвим жуда тиғиз кўриниш олган. Бугун «Челси»га қарши ўйин ўтказган жамоа эртага ЕЧЛ доирасида «Динамо»га қарши ўйинни ўтказиш учун Украинага йўл олади. Киевдаги ўйин 24 февралда ўтказилади, 28 февраль куни эса жамоа Англия чемпионатининг 27 турида «Ньюкасл»га қарши майдонга тушади.

Гуус Хиддинк: «Сити» кетма-кет мағлубиятларга кўнмайди, биз ҳушёр бўлишимиз керак»