Британиялик афсонавий учувчи, ўз фаолияти давомида 487 турдаги самолётларда учишларга чиққан Эрик Браун 97 ёшида оламдан ўтди.

Браун 1919 йилнинг 21 январида Лейте шаҳрида дунёга келганди. Унинг илк парвози 8 ёшида рўй берган. Эрикнинг отаси уни бипланда учишга олиб чиққан.

Браун Эдинбургдаги университетда самолётларни бошқариш илмини ўрганди. У Иккинчи жаҳон урушида иштирок этган. Браун 3 марта Гиннес рекордлар китобига кирган. Шулардан бири авиаташувчи кема палубасига энг кўп марта қўнишлар амалга ошириш ҳисобланади.

Капитан Браун 1970 йилда Британия қироллик флотидаги хизматини тарк этган. Кейинроқ у Буюк Британия вертолётчилари маслаҳат кенгаши раҳбари, 1982 йилдан Буюк Британия Қироллиги авиация жамияти президенти сифатида ишлаган.