УЕФА бош котиби, ФИФА президентлиги учун сайловдаги номзодлардан бири Жанни Инфантино сайлов арафасида баёнот билан чиқди.

Унда сайловнинг ташкилот тарихидаги муҳим аҳамияти тўғрисида сўз борган.

"Жорий ҳафтадаги сайлов ўтадиган кун ФИФА ташкил топганидан буён ўтган 112 йил ичидаги энг муҳим кунга айланади. 209 федерация вакиллари фақатгина ўз тақдирларини эмас, ташкилот ва футбол тақдирини ҳал қилишларига тўғри келади. ФИФАнинг янги президентини танлаш орқали катта қадам ташлаймиз. Қадамни тўғри ташлаш эса бизга ташкилот тарихидаги янги эрани очиши мумкин. Келажакда ФИФАда барча ишлар шаффоф бўлишини таъминлаш ўз қўлимизда.

Агар мен ФИФА президенти этиб сайлансам, ташкилотни ривожлантириш ва янги эрага олиб ўтиш учун бор имкониятимни ишга соламан. Ҳозирда эса ташкилот ўз тарихидаги энг оғир аҳволда турибди", дейди Инфантино ўз мурожаатида.

Эслатиб ўтамиз, Инфантинодан ташқари ОФК президенти шайх Салмон, Иордания шаҳзодаси Али ва ФИФА собиқ Бош котиби ўринбосари Жером Шампань ҳам сайловларда иштирок этади.

Инфантинони ҳозиргача Европадан ташқари 17та давлат қўллаб-қувватлаган.

ФИФА президентлиги учун сайловлар 26 февраль куни бўлиб ўтади.