Samsung Galaxy S7 тақдимотига келган мухбирларни стулларда жойлашган Gear VR виртуал реаллик шлемларини кийишга мажбур қилишди.

Мухбирларнинг кўз олдиларида рўй берадиган бутун тақдимотни виртуал реалликда томоша қилиш таклиф қилинган.

"Бизда бир қанча саволлар пайдо бўлди, виртуал реаллик шлемларини кийишни сўрашди. Шу алфозда тақдимотни томоша қилишимиз ва клавиатурада текст ёзишимиз керак бўлди", дейди Android Central мухбири.

Samsung Galaxy S7 нинг тақдимоти 21 февраль куни Тошкент вақти билан соат 23:00да бўлиб ўтди.