Болгария бош вазири Бойко Борисов ўлдириш билан таҳдид қилинган мактуб олди. Конверт ичида сиёсатчининг сурати, ўқ ва газетадан қирқиб олинган ҳарфлардан тузилган хабар бўлган.

Бу ҳақда Болгариянинг Novinite сайти маълум қилди. Таъкидланишича, мактуб Вазирлар кенгаши манзилига аноним ҳолда юборилган.

Бош вазир бу таҳдидга ҳайрон бўлмади, чунки у яқинда контрабандачиларга тегишли 1,7 млрд долларни мусодара қилдирган ва бир қатор юқори лавозимли амалдорларни ўз лавозимидан бўшатиб юборганди.