АҚШ Федерал қидирувлар бюроси бош қароргоҳи Огайо штатида жойлашган, автомобиль шиналари ишлаб чиқарувчи дунёдаги энг йирик компаниялардан бири Goodyear Tires компаниясининг даъво аризаси бўйича икки нафар хитойликни ҳибсга олди.

ФҚБ матбуот хизматининг маълум қилишича, 40 ва 41 ёшдаги хитойлик фуқаролар компаниянинг Сингапурдаги филиалида ишлаган. Компания бу филиали орқали 1 млрд долларлик табиий каучук сотиб олган.

Тергов маълумотларига кўра, хитойликлар каучук сотилишидан тушган пулдан маълум ҳақ олган ҳамда бу билан компанияга зиён етказган. Уларнинг бу фирибгарлигидан кўрилган зиён миқдори аниқлаштирилмоқда.  

Таъкидланишича, эркаклар бир неча йиллик фаолияти давомида бир неча ўн минг доллар ишлаб олган бўлиши мумкин.