Бугун, 23 февраль куни ЎзДЖТУ халқаро журналистика факултетида Ўзбекистон халқ ёзувчиси Тоҳир Малик билан ижодий учрашув бўлиб ўтди.

Самимий ва ҳазил-мутойибага бой тарзда ўтган суҳбатда адиб ижоди, фаолиятига доир маълумотлар барча қатнашчилар диққатини тортди.

Тоҳир Малик бугунги кунда "Бекажон" газетасида бош муҳаррир вазифасида фаолият олиб бормоқда. Ёзувчининг журналистика соҳасидаги камчиликлар, журналистлар аҳамият бериши зарур бўлган жиҳатлар юзасидан билдирган фикрлари бўлажак журналистлар учун аҳамиятли бўлди.


"Америкада пул ортилган камаз ағдарилиб кетибди. Ҳамма одамлар сочилиб ётган пулларни териб олишга киришишди. Бироздан сўнг полиция ходимлари келиб барчадан пулларни қайтариб олишди. Бу воқеада нима бирламчи? Журналистнинг полициядан тезкорлиги, ахборотни энг биринчилардан бўлиб етказиши", дея жавоб беради Тоҳир Малик "ҳозирги замон журналисти қандай бўлиш кераклиги" ҳақидаги саволга.

Мобил мухбир: Чарос Содикжон қизи