«Реал» жамоаси ҳужумчиси Криштиану Роналду футболчилик фаолиятини якунлаганидан кейин киноактёрлик билан шуғулланиш нияти ҳақида маълум қилди.

«Ўзимни Голливуд фильмларида синаб кўришим мумкинми? Нега бундай бўлмаслиги керак? Ҳозир менда бундай мақсад йўқ, лекин аллақачон бундай таклифлар берилган. Ҳозирги шароитда икки соҳани бирдек олиб боришим иложсиз. Ўйинлар ва машғулотлардан бўшай олмайман. Лекин келажакда менинг ўзим учун ҳам кино соҳаси қизиқ бўлади.

Ўйлайманки, асосий ролларга тортмайман. Иккинчи пландаги актёр бўлишга ҳам. Менимча, эпизод роллар менга мос. Менга ўрганиш ёқади. Атрофингда тажрибали ва моҳир актёрлар бўлса ўзингнинг ҳам маҳоратинг ўсиб бориши тайин. Менинг актёрлик қобилиятларим ҳозир кучли эмас, лекин буни ўстирса бўлади.

Актрёлик касби футболчиликдан фарқ қилади. Актёрлик - жуда чиройли ва шу билан биргаликда оғир касб. Умуман олганда ишонч билан айтишим мумкинки, қачондир албатта катта киноларда рол ижро этаман. Албатта бошида кичик роллардан бошлайман, тажриба тўплайман. Кейин вазиятга қараб иш тутаман», – дейди Криштиану Роналду.