Россия иккита "Мистраль" вертолёт ташувчи кемаси қуриш учун Франция билан тузган шартнома бекор қилингандан кейин, кемалар учун тўлаган пулининг асосий қисмини қайтариб олди, деб хабар бермоқда Москвадаги ҳарбий-дипломатик манбага иқтибос келтирган ҳолда RNS нашри.

"1 млрд евро миқдоридаги пул ўтган йилнинг августида қайтариб берилган. Бу шартнома бекор қилиниши биланоқ тезда амалга оширилди. Россия ЮКОС иши доирасида пуллар ҳибсга олинмаслиги учун иложи бор ишни қилди", деб айтди манба.

Манбанинг айтишича, Франция Россиянинг талабларига боришга қарор қилди, чунки унинг розилигисиз кемаларни бошқа харидорларга сота олмасди.