"Трабзонспор" жамоасининг асосий дўкони раҳбари Эмре Аскойнинг маълум қилишича, жамоа яқин вақт ичида ўз ҳимоячиси Солиҳ Дурсуннинг махсус футболкаларини сотувга чиқаради.

24 ёшли бу футболчи Туркия чемпионати 22-турида "Галатасарой"га қарши кечган дерби вақтида ўйин ҳаками Дениз Битнель "Трабзонспор" ҳимоячиси Луис Кавандуга тўғридан-тўғри қизил карточка кўрсатиб, майдондан четлатгач, норози футболчилар уни ўраб олишди ва ҳакам карточкасини тушириб юборди. Тушиб кетган карточкани эса Дурсун қўлига олди ва ҳакамга кўрсатди. Дениз Битнель иккиланмай Дурсунни ҳам ўйиндан четлатди.

"Галатасарой"нинг 2:1 ҳисобидаги ғалабаси билан якунланган ўйинда "Трабзонспор"нинг жами 4 футболчиси майдондан четлатилган ва жамоа ўйинни 7 киши бўлиб тугатишига тўғри келди: бундан аввал Каванду ва Дурсундан ташқари, майдонни иккинчи сариқ карточка олгани учун Озер Хурмажи ва Айкут Демир ҳам тарк этганди. Қайд этиш керакки, қизил карточкалар кўрсатилиши бошланишидан олдин "Транбзонспор" ғалаба қилиб турганди.

Ҳакам жамоалардан бири 7 киши бўлиб қолган вазиятда ҳам ўйинга қўшимча вақт белгилаган.

Футбол эксперти Аҳмад Чақир бу ўйиндаги вазиятдан шубҳаларини билдирган ва ўйинни Интерпол текшириши кераклиги ҳақида фикр билдирган.

"Трабзонспор" ҳакамнинг қароридан норози эканини намойиш қилиш мақсадида Дурсуннинг ҳакамга қизил карточка кўрсатаётган вазиятнинг суратини футболкаларга тушириб, клуб дўконларида сотишни режалаштирган.