"Реал" жамоасининг португалиялик футболчиси Криштиану Роналду ижтимоий тармоқларда (Facebook, Twitter ва Instagram) ўз ўқувчилари сонини 200 млн нафарга етказган илк спортчи сифатида тарихга кирди.

Айни вақтда Роналдунинг Facebook ижтимоий тармоғидаги саҳифасидаги ўқувчилари сони 109,7 млн, Instagram’ида 49,6 млн, Twitter’ида 40,7 млн нафар ўқувчиси бор. Ҳар куни унинг ўқувчилари сони ўртача 135 минг нафарга ортмоқда.

Таққослаш учун, "Барселона" футболчиси Лионель Мессининг ижтимоий тармоқлардаги жами ўқувчилари сони 120,8 млн нафарни ташкил қилади. Лекин Мессининг Twitter’да аккаунти йўқ. Бу борада учинчи ўринда америкалик баскетболчи Леброн Жеймс ўрин эгаллаган - 69 млн обуначи.