Европа спорт нашрлари уюшмаси (ESM) қитъадаги миллий чемпионатлар иштирокчилари орасидаги энг яхшилар аниқланган сўровнома натижаларини эълон қилди. "Реал" ҳужумчиси кетма-кет олтинчи марта спорт нашрлари талқинига кўра тузилган рамзий терма жамоадан жой олмади. Лионель Месси эса кейинги 6 ой ичида илк марта ушбу рўйхатда қайд этилди.

Ушбу сўровномада WorldSoccer (Англия), Fanatik (Туркия), Tipsbladet (Дания), Marca (Испания), ELFVoetbal (Голландия), Kicker (Германия), ABola (Португалия), DeTelegraaf (Голландия), SoFoot (Франция), Sport/VoetbalMagazine (Бельгия), FrankfurterAllgemeine (Германия), NemzetiSport (Венгрия), GoalNews (Греция) “Спорт-Экспресс” (Россия) каби нуфузли нашрлар иштирок этган.

Февраль ойининг рамзий терма жамоаси: Буффон ("Ювентус", 4 овоз); Пищек ("Боруссия" Д, 5), Бонуччи ("Ювентус", 12), Годин ("Атлетико", 6), Пике ("Барселона", 6); Бускетс ("Барселона", 5), Мюллер ("Бавария", 5), Канте ("Лестер", 4); Месси ("Барселона", 13), Суарес ("Барселона", 11), Левандовски ("Бавария", 5).