14 нафар қиз Зулфия номидаги Давлат мукофоти билан тақдирланди

Жамият 06 Март 2016 4080

Ўзбекистон Республикаси Президенти Ислом Каримов 2016 йил 1 март куни Зулфия номидаги Давлат мукофоти билан тақдирлаш тўғрисидаги қарорни имзолади. Қарор матни ЎзА томонидан эълон қилинган.

Мамлакатимизда мўътабар аёл зотига муносиб ҳурмат-эҳтиром кўрсатиш, уларнинг жамиятимиздаги ўрни ва нуфузини ошириш, соғлом ва баркамол авлодни вояга етказиш, ўзининг иқтидори ва ибратли фаолияти билан ёшларга ўрнак бўлиб келаётган қизларни рағбатлантириш мақсадида ҳамда Ўзбекистон Республикаси Президентининг 1999 йил 10 июндаги «Зулфия номидаги Давлат мукофотини таъсис этиш бўйича таклифларни қўллаб-қувватлаш тўғрисида»ги фармонига асосан:

1. Ўзбекистон Хотин-қизлар қўмитаси ҳузуридаги Зулфия номидаги Давлат мукофоти комиссиясининг Қорақалпоғистон Республикаси, вилоятлар ва Тошкент шаҳрининг иқтидорли қизларини аъло хулқи, ноёб истеъдоди, зукколиги, ташаббускорлиги, ўқишдаги муваффақиятлари ҳамда адабиёт, маданият, санъат, таълим ва спорт соҳаларидаги алоҳида ютуқлари учун Зулфия номидаги Давлат мукофоти билан тақдирлаш тўғрисидаги таклифлари иловадаги рўйхатга мувофиқ маъқуллансин.

2. Зулфия номидаги Давлат мукофоти билан тақдирланганларга 8 март – Халқаро хотин-қизлар байрамига бағишлаб ўтказиладиган тантаналарда совриндорлик дипломлари ва кўкрак нишонлари топширилсин.

3. Ўзбекистон Республикаси Молия вазирлиги Зулфия номидаги Давлат мукофоти совриндорларининг ҳар бирига энг кам ойлик иш ҳақининг 50 баравари миқдорида пул мукофоти берилишини таъминласин.

4. Ўзбекистон Миллий телерадиокомпанияси ҳамда Ўзбекистон Миллий ахборот агентлигига Зулфия номидаги Давлат мукофоти соҳибаларининг ибратли фаолияти, уларнинг ноёб истеъдоди ва эришган ютуқларини кенг ёритиб бориш тавсия этилсин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Э.Боситхонова зиммасига юклансин.

Зулфия номидаги Давлат мукофоти билан тақдирланганлар рўйхати

Байжигитова Азиза Аллияр қизи – Қорақалпоғистон Республикаси Нукус шаҳридаги 22-ихтисослаштирилган умумий ўрта таълим мактабининг 9-синф ўқувчиси

Фозилжонова Севарахон Баходиржон қизи – Андижон санъат коллежининг 3-босқич ўқувчиси

Алиева Гулноза Акрамовна – Бухоро муҳандислик-технология институти қошидаги 1-академик лицейнинг 3-босқич ўқувчиси

Раимқулова Моҳигул Дадажон қизи – Жиззах давлат педагогика институти қошидаги 2-академик лицейнинг 3-босқич ўқувчиси

Низамова Моҳидил Махмуд қизи – Қашқадарё вилояти Яккабоғ озиқ-овқат саноати ва хизмат кўрсатиш касб-ҳунар коллежининг 1-босқич ўқувчиси

Холбутаева Дилфуза Шарофиддиновна – Навоий олимпия захиралари коллежининг 3-босқич ўқувчиси

Воққосова Гулираъно Давронбой қизи – Наманган вилояти Тўрақўрғон ижтимоий-иқтисодиёт ва спорт коллежининг 3-босқич ўқувчиси

Келдиёрова Диёра Бахтиёр қизи – Самарқанд вилояти Пастдарғом политехника касб-ҳунар коллежининг 3-босқич ўқувчиси

Ғозиева Нодира Рустам қизи – Гулистон давлат университети қошидаги 1-академик лицейнинг 2-босқич ўқувчиси

Шойимова Комила Ўрол қизи – Термиз давлат университети қошидаги 2-академик лицейнинг 2-босқич ўқувчиси

Раимқулова Зулҳаё Хикматилла қизи – Ўзбекистон давлат консерваториясининг 1-босқич талабаси (Тошкент вилояти)

Мамажонова Зулфияхон Миркомил қизи – Фарғона вилояти Қува педагогика ва иқтисодиёт коллежининг 3-босқич ўқувчиси

Исмаилова Озода Анваровна – Урганч давлат университети қошидаги 2-академик лицейнинг 1-босқич ўқувчиси

Ботирова Азиза Хамидовна – В.Успенский номидаги Республика ихтисослаштирилган мусиқа академик лицейининг 1-босқич ўқувчиси

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 97410 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 47041 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52000 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9459 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20247 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 877 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 340 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 1382 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 1945 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 879 Жаҳон
Кўпроқ янгиликлар