Бухорода коллеж директори ва унинг турмуш ўртоғи порахўрлик учун жазоланди

Жамият 06 Март 2016 4248

Бухоро вилоятида ўқув муассасида биргаликда раҳбар лавозимларда ишлайдиган эр-хотин жиноят устида қўлга тушиб, жазога тортилди. Бу ҳақда Ҳуқуқ газетаси хабар тарқатган.

"Бухоро вилояти Қоракўл тумани тиббиёт коллежида бир неча йиллардан буён фаолият юритиб келган эр-хотин Одил Ярашев ва Дилбар Оқмуродова (исм-фамилиялар шартли) қанча вақт мобайнида мисқоллаб йиққан обрўларини амал синови олдида ютқазиб қўйишди. Таниган-билганлар уларни маънавият тарқатувчилар, фидойи ўқитувчилар деб ҳурмат-иззат қилардилар.

Тажрибали ва малакали мутахассис сифатида Дилбар Оқмуродова 2015 йил апрель ойида тиббиёт коллежига директор этиб тайинланади. Бахт келса қўша-қўша деганларидек, янги директорга “2015-2016 ўқув йили учун ўқувчилар қабулини ўтказиш Маркази” раҳбарлиги ҳам топширилади.

Ушбу вазифаларни ўқувчилар олдидаги масъулият деб эмас, балки даромад манбаига осон йўл деб тушунган эр-хотин "тадбиркорлик фаолияти"ни бошлаб юбортшди. Маълум нарх эвазига фарзандини билим даргоҳига жойлаштирмоқчи бўлганларнинг сони анчагина экан. Ўқувчиларни қабул қилиш мавсуми баракали келиб, 32 минг доллар миқдорида пул йиғилди.

Бузоқнинг югургани сомонхонагача бўлиб, ҳуқуқни муҳофаза қилиш органлари уларнинг қилмишларига нуқта қўйишди. Суд ҳукми билан Д.Оқмуродова ва О.Ярашевга қонун доирасида тегишли жазо тайинланди", деб ёзади Ҳуқуқ газетаси.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 12066 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 20132 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 9975 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 10803 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 37371 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52068 Жамият
Президент ҳузурида ишбилармонлик муҳитини яхшилаш бўйича Давлат комиссияси ташкил этилиши мумкин
Терма жамоанинг Қирғизистонга қарши ўртоқлик учрашувига мухлислар киритилмайди
13:42 614 Спорт
Тошкентда чиқиндиларни олиб чиқиб кетиш тарифлари қимматлашади
Миробод ва Яшнобод туманларининг баъзи ҳудудларида совуқ сув вақтинчалик ўчирилади
Кўпроқ янгиликлар