Ўзбекистонда двигателлар ишлаб чиқарувчи қўшма корхонага 3,5 млн доллар инвестиция қилинади

Ўзбекистон 07 Март 2016 4022

"Ўзбекистон темир йўллари" АЖ ва Франциянинг Alstom компанияси Ўзбекистонда электр асинхрон двигателлар ишлаб чиқарувчи корхонага 3,5 млн доллар сармоя киритмоқчи. Бу ҳақда "Ўзбекистон темир йўллари"даги манбага асосланган ҳолда Sputnik ахборот агентлиги хабар берган.

2017 йилгача ишлаб чиқаришнинг лойиҳавий қуввати йилига 200 минг дона двигателдан кўпроқни ташкил қилиши кўзда тутилган. Янги корхона турли ҳаракатланувчи таркиб, жумладан электр ва дизель локомотивлари ҳамда шаҳар атрофида ҳаракатланувчи ва дизель поездлари учун двигателлар ишлаб чиқаришга ихтисослашади.

Alstom мутахассислари транспорт тармоғидаги тажриба ва янги технологиялар билан бўлишишга тайёрлиги билдирилган. Бу лойиҳа французлар томонидан Ўзбекистон билан узоқ муддатли ҳамкорлик алоқаларини ривожлантиришдаги биринчи қадам сифатида қаралмоқда.

Манбанинг айтишича, двигателларда МДҲ давлатлари бозорида ҳали тақдим қилинмаган технологиядан фойдаланилади. Бу эса хизмат кўрсатишни арзонлаштиради, ишлаб чиқариш циклини соддалаштиради ва ҳаракатланувчи таркибнинг энергия самарадорлигини оширади.

Alstom машинасозлик компанияси энергетик қурилмалар ва темир йўл транспорти ишлаб чиқариш бўйича дунёдаги етакчи компаниялардан бири ҳисобланади. Компания энергия ишлаб чиқарувчи қурилмалар, темир йўл локомотивлари, TGV ва AGV сериясидаги юқори тезликда ҳаракатланувчи электр поездлар, трамвайлар, саноат ишлаб чиқариши учун электрофильтрлар ишлаб чиқаради. Аввал ўз таркибида кемасозлик бўлимига эга бўлган, бу бўлим 2006 йилда сотиб юборилган. Компания томонидан "Нормандия", Queen Mary 2 круиз лайнерлари, "Мистраль" универсал десант кемалари қурилган.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 4645 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 5512 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21036 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49906 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 5287 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 3317 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 5642 Жаҳон
Хитой хорижий инвестицияларга чеклов жорий қилди
23:08 / 21.08.2017 3037 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 4734 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 4475 Технология
Кўпроқ янгиликлар