Украина терма жамоасига номзод футболчи, Днепропетровскнинг "Днепр" жамоаси ҳужумчиси Роман Зозуля "Футбол Арена" нашрига берган интервьюсида мамлакатда спортга эътибор жуда паст даражада экани ҳақида айтиб ўтди.

У Украинада спорт аста-секинлик билан ўлаётгани ҳақида айтган. "Нафақат регби, буни айтиш оғир, ҳатто футбол ҳам кўз ўнгимизда ўлиб бормоқда", дейди Зозуля.

У ўзининг Днепропетровскдаги регби жамоасига моддий ёрдам кўрсатганини изоҳлар экан, номи сир сақланган бу жамоадаги дўстлари 5 йилдан буён ҳомийсиз қийин аҳволда қолаётганини айтиб ўтган.

2 март куни Украина Футбол федерацияси ижроий қўмитаси раҳбари Артем Франков УЕФА "Днепр"ни 1 йилга халқаро турнирлардан четлатгани ҳақида маълум қилди. Бунинг сабаби сифатида жамоа собиқ бош мураббий Хуанде Рамос ҳамда унинг ёрдамчисидан бўлган қарзларини тўламагани келтирилган. УЕФА бу маълумотга расман муносабат билдирмаган.