Серена Уильямс: Шарапова допинг қабул қилганини тан олиб мардлик қилди

Спорт 09 Март 2016 3407

Дунёнинг биринчи рақамли ракеткаси америкалик Серена Уильямс россиялик Мария Шарапованинг допинг можароси ҳақида фикр билдириб ўтди. У ўзининг принципиал рақибаси сифатида қараладиган бу теннисчининг допинг қабул қилганини тан олишини мардлик намунаси сифатида баҳолаган.

"Мен бу хабарни эшитиб ҳайратга тушдим. Лекин шу билан бирга хурсандман ҳамки, унинг ўзи буни тан олиб, жасорат кўрсатди. Бу ҳақиқий мардлик намунаси", дейди Уильямс.

7 март куни россиялик теннисчи, дунёнинг энг бой аёл спортчиси Мария Шарапова Лос-Анжелесдаги махсус матбуот анжумани чоғида 2016 йилги Австралия очиқ чемпионатида ундан олинган намуналарда ман этилган препарат — мельдоний топилганини тан олди.

Халқаро теннис федерацияси (ITF) Шарапованинг 2016 йил, 26 январда топширган допинг-тести ижобий чиққанини маълум қилганди. 2 март куни эса унга тақиқланган препарат қабул қилинганликда айблов қўйилган. Унинг иши борасида қарор эълон қилингунига қадар россиялик теннисчи барча WTA турнирларидан дисквалификация қилинди. Ушбу дисквалификация 2016 йилнинг 12 мартидан кучга киради.

Бутунжаҳон антидопинг агентлиги (WADA) Шарапованинг иши бўйича ITF ўз қарорини эълон қилмагунича, унинг иши ҳақида ҳеч қандай изоҳ бермайди.

Маълумот учун, мельдоний (милдронат) препарати S4 (гормонлар ва метоболизм модуляторлари) синфига киради ва WADA’нинг тақиқланган препаратлар рўйхатидан жой олган. Мазкур препарат спортда организмнинг жисмоний ҳолатини яхшилаш ва руҳий зўриқишнинг олдини олиш учун истеъмол қилинади. Жорий йилнинг 1 январидан мельдоний препаратини қабул қилиш антидопинг қоидаларининг бузилишига олиб келади.

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 8586 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 42405 Ўзбекистон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 41400 Ўзбекистон
Бобурбек Мадраҳимов қандай қилиб тест синовларида 306,9 балл тўплади?
10:58 / 16.08.2017 148546 Жамият
Кун.uz офис изламоқда
15:48 / 06.08.2017 40024 Lifestyle
Камқонликда озиқланишнинг уч қоидаси 
14:26 1057 Жамият
Мирзиёев Қозоғистон мудофаа вазири билан ҳарбий ҳамкорликни муҳокама қилди
Януковичга давлат томонидан тақдим этилган адвокат уни ҳимоя қилишдан бош тортди
13:32 1725 Жаҳон
Ўктам Барноев: Бухорода 500 дан ортиқ диний зиёрат қадамжолари бор
Хитой Россияга ўз ҳудудида янги АЭС қуришни таклиф қилди
13:07 2624 Жаҳон
Кўпроқ янгиликлар