Спаллетти: «0:2 ҳисобидаги мағлубиятдан кейин хурсанд бўла олсак, бу «Рома»нинг қай даражада қадрсизланганини билдиради»

Спорт 09 Март 2016 1385

«Рома» жамоаси бош мураббийи Лучано Спаллетти ЕЧЛнинг нимчорак финалида «Реал»га қарши кечган учрашувдан (0:2) кейин журналистларнинг саволларига жавоб қайтарди.

«Ҳақиқат шундаки, биз биринчи учрашувда ҳам, иккинчисида ҳам рақибга 0:2 ҳисобларида мағлуб бўлдик. Мадридликлар ҳақли равишда кейинги босқичга чиқишди.

Вазиятни ўзгартиришнинг йўлини топа олмадим. Биринчи ўйинда мағлуб бўлганимиздан кейин жавоб ўйинида муносиб қаршилик кўрсатишимизга ишонч билдира олардим холос.

Ҳа, биз ёмон ўйнамадик, ҳатто мақтагулик вазиятлар бўлди. Аммо футболчилар психологик жиҳатдан бу ўйинда ғалаба қозонишга тайёр эмасдилар. Бу бизнинг заиф томонимиз.

Мен бу қарама-қаршиликдан кейин хотиржам бўла олмайман. 0:2 ҳисобидаги мағлубиятдан кейин қандай қилиб ҳам хотиржам бўлиш, хурсандчилик қилиш мумкин? Шундай бўлса, бу «Рома»нинг қадри шу даражада пасайганини кўрсатади.

Ҳақиқатга тик қараш керак ва оқловчи сабаблар изламаслик керак. Ишлашда давом этамиз, йўлимиз узун ва оғир. Бу ёқимсиз натижа бўлди, бундан кейин янада яхшироқ ўйнашимиз керак.

Замонавий футболда психология кўп нарсани ҳал қилади. Бундай натижадан кейин қўлни кўтарган ҳолда таслим бўлиш ярамайди. Мен бугун«Рома» 7та гол ўтказиб юборганида ҳам ҳайрон бўлмасдим. Бундан аввал ҳам мен билан ҳам, бошқа мураббийлар билан ҳам шунга ўхшаш ҳолатлар бўлганди.

Мен кўриб турибманки, футболчиларда кучли ирода етишмайди. Ахир футболчиларнинг бошидаги хаёл майдондаги кўп нарсага таъсир кўрсатади.

0:2 ҳисобидаги мағлубиятдан кейин сен кийим алмаштириш хонасига келишинг керак ва ўтган икки ўйинда фойдаланилмаган голли вазиятлар хусусида қаҳр билан эслатишинг керак», – дейди Спаллетти.

Кун янгиликлари
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 47424 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 7647 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 18814 Ўзбекистон
Испаниядаги терактларда 34 мамлакат фуқароси ҳалок бўлди ва жабрланди
19:13 19 Жаҳон
Россиянинг собиқ президенти Ельцин юрган лимузин сотувга қўйилди
19:07 228 Жамият
Трамп ижтимоий тармоқдан кетса, Twitter 2 миллиард доллар зарар кўради
18:55 422 Жаҳон
Франция чемпионати ўйинлари бир дақиқа сукут сақлаш билан бошланади
18:50 454 Спорт
1 сентябрда Ерга улкан астероид яқинлашади 
18:45 1283 Жаҳон
Эрдўған ГФРдаги туркияликларни Меркель ва Шульцга овоз бермасликка чақирди
18:40 642 Жаҳон
Қуёшдан ҳимояловчи энг қимматбаҳо 10 кўзойнак
18:35 2473 Lifestyle
Кўпроқ янгиликлар