Машҳур британиялик клавишачи ва композитор Кит Эмерсон 71 ёшида ҳаётдан кўз юмди. Мусиқачининг ўлимига унинг ўз жонига қасд қилгани сабаб бўлган. Мусиқачининг жасади унинг Санта-Моника шаҳридаги уйида полициячилар томонидан топилган, деб хабар берди 11 мартда маҳаллий полиция вакили Руди Камарена.

Камаренанинг айтишича, воқеа сабаблари номаълумлигича қолмоқда.

"Кит Эмерсон ўтган кеча ўзининг Санта-Моникадаги уйида вафот этганини чуқур қайғу билан маълум қиламиз", деб айтилди мусиқачининг собиқ гуруҳи Emerson, Lake & Palmer гуруҳи берган хабарда.

Гуруҳнинг бошқа иштирокчиси Карл Палмер қуйидаги хабарни тарқатди: "Менинг дўстим ва мусиқадаги оғам Кит Эмерсон вафот этганини билиш жуда аянчли. У жуда нозик дидли мусиқачи эди, унинг мусиқага муҳаббати ва клавишали асбобларда ўйнашга иштиёқи яқин йилларда ҳеч ким томонидан забт этила олмайди".

Мусиқачи рок-мусиқа тарихида энг яхши клавишачилардан бири сифатида эътироф этиларди.