БААлик психологлар ота-оналарни фарзандларига камроқ пул беришга ва бу пулларни сарфлашни қаттиқ назорат қилишга чақирмоқда. National нашрининг ёзишича, ижтимоий олиб борилган таҳлиллар шуни кўрсатмоқдаки, 4 ёшдан 14 ёшгача бўлган болалар ота-оналарининг маблағини бекордан бекорга совуришар экан. Шу боис мутахассисларнинг фикрича бу ёшдаги болаларга китоб ва фойдали нарсалар сотиб олишга пул бериш керак. Фастфудларга, компьютер ўйинларига ва гаджетларга пул ажратиш тавсия этилмайди.

Газета берган маълумотларга кўра, социологлар 2,5 минг бола ва 3 минг ота-она ўртасида ижтимоий сўровнома ажратган. “БААлик аксари болалар ота-оналаридан ойига 140 доллардан пул олишар экан. Бу бошқа мамлакатдаги тенгдошларига нисбатан икки баробар юқори кўрсаткичдир. Улардан 47 фоизи олган пулларини дарров сарфлаб юборади. 36 фоизи қисмларга бўлиб сарфлайди ва 17 фоизи эса бирор нима харид қилиш учун олган пулларини йиғади.

Мутахассислар, шунингдек, болалар пулларни ҳуда-беҳуда сарфлашса, уларда масъулиятсизлик характери пайдо бўлиб қолишидан ҳам огоҳлантиришган.