Финляндияда маҳаллий фермерларнинг Хельсинкида "тракторлар марши" бўлиб ўтди, деб хабар бермоқда Yle нашри.

Фермерлар намойиши Хельсинкидаги Сенат майдонида бутун мамлакатдан бир неча минг одамни йиғди. Улардан кўпчилиги воқеа жойига тракторларда келган.

"Тракторлар марши" иштирокчилари билан мамлакат бош вазири Юха Сипиля ҳамда қишлоқ ва ўрмон хўжалиги вазири Киммо Тииликайнен учрашган.

Бош вазир фермерларнинг аҳволини яхшилашга ваъда берган. Унинг айтишича, Европа Иттифоқида фермерларга ёрдам берувчи махсус жамғарма яратилиши керак.

Финляндиялик фермерларнинг муаммолари бир неча омиллар, жумладан Россия томонидан солинган озиқ-овқат эмбаргоси, харид нархларининг тушиши ҳамда субсидиялар тўлаш билан боғлиқ қоғозбозчилик билан боғланган.