Ҳиндистоннинг Уттар-Прадеш штатида бўлиб ўтган икки итнинг тўйига беш минг киши йиғилди, деб хабар бермоқда Mashable. Тантана Павара қишлоғида маҳаллий ҳинд маросими билан бир вақтда ўтказилган.

“Куёв” гуллар билан махсус безатилган машина келган. Тўй вақтида “келин”нинг хўжайини Жунг Баҳодур кўзига ёш олди. “Ахир у менинг итим, қизимдек бўлиб қолган”, — деди Баҳодур.

Тантанага маҳаллий диджей таклиф қилинди, меҳмонлар эса мириқиб рақс тушишди.

Нашрнинг ёзишича, бу тўй ҳар қандай ҳинд тўйидан кам бўлмаган тарзда кечган. Базм якунлангач, “келин-куёв”лар машинага ўтириб, жўнаб кетишган.