2016 йилнинг 1 мартидан бошлаб Ўзбекистон Республикаси ҳудудида янги тартибдаги йўл ҳаракат қоидалари кучга кирди.

Янги таҳрирдаги Йўл Ҳаракати Хавфсизлиги қоидалари аҳоли пункти доирасида ҳаракатланиш тезлиги, видеорегистратор ва навигаторлардан фойдаланиш, скутер ва квадроциклларни мотоциклга тенглаштириш каби ўзгаришларни ўз ичига олган.

Sputniknews-uz "Янги йўл ҳаракати қоидалари нималардан иборат?" номли инфографика тайёрлаган:

Янги ЙҲХ қоидаларига биноан аҳоли яшаш пунктлари ичида ҳаракатланиш тезлиги 30 км/соат билан чекланган. Ундан ташқари, болаларни ташкилий тартибда ташувчи транспорт воситаларига ҳар қандай йўлларда тезликни 60 км/соатдан ошириш тақиқланган.

Автомобиль олд қисмига, видеорегистраторлар ва навигаторлардан ташқари, ҳаракат вақтида ҳайдовчининг диққатини тортувчи, кўринишни чекловчи монитор ва бошқа ускуналар ўрнатиш тақиқланган.

Двигатель ҳажми 50 см кубдан ортиқ, ёки 50 км/соатдан тез ҳаракатланиш хусусиятига эга бўлган скутерлар, квадроцикллар ва электроскутерлар янги қоидаларга биноан мотоциклларга тенглаштирилган. Ушбу ТВ фойдаланиш учун ҳайдовчида “А” категорияли ҳайдовчилик гувоҳномаси бўлиши талаб этилади.

Янги қоидаларга пиёдалар учун ҳам бир қатор чекловлар киритилган: унга кўра, пиёдаларга автомобиль йўллари четидан ҳаракатланиш вақтида, ёки пиёдалар ўтиш жойидан ўтиш вақтида телефон, планшетлардан, фойдаланиш, китоб, газета журнал ўқиш тақиқланади.

Ҳайдовчилар куннинг қоронғу вақтида ва кўриниш ёмон бўлган вақтда йўл четида тўхтаб, транспорт воситасидан тушганда махсус нур қайтарувчи нимча кийиши шарт ҳисобланади.

Янги ЙҲХ қоидаларига Йўл-транспорт қоидабузарликлари махсус ускуналар орқали автоматик равишда фото ва видео фиксация қилиш қоидаларини киритилган. Ушбу қоидаларда янги “Қоидбузарликларни фото ва видео фиксация қилиш” янги белгиси ҳақида ҳам хабар берилган.