Ўзбекистон давлат жаҳон тиллари университети “Spelling competition” (Сўзларни харфлаб айтиш) мусобақасини ўтказди.

Таълим муассасаларидаги кўзи ожиз ёшларнинг соғлом тенгқурлари каби хорижий тилни ўрганишларига ёрдам бериш ва интилишларини қўллаб-қуватлаш мақсадида илк марта ташкил этилган танловда жами 4та университет талабалари ўзаро ғолиблик учун баҳслашди.

Республика Кўзи ожизлар жамияти, Британия Кенгаши, “Ўзбекистонда хорижий тиллар” электрон журнал ва интернет портал таҳририяти, “Ўзбекнаво“ эстрада бирлашмаси ҳамда “ Ёш изланувчилар” гуруҳи гуруҳи ҳамкорлигидаги беллашув шартига кўра жами 20 нафар талаба 12та инглиз тилидаги сўзларни ҳарфлаб айтиб бериши керак эди.

Якунда энг кўп - 7 уринишни муваффақиятли амалга оширган ЎзДЖТУ талабаси Панжиев Шокир “Spelling competition” ғолибига айланди. 2 ва 3 ўринлар мос равишда Тошкент давлат юридик университет талабаси Расулов Дониёр (6та сўз) ва Педагогика университети талабаси Абдулхайиров Фарходбекка (5та сўз) насиб этди.