Нижний Новгородда машинасини олиб кетаётган эвакуаторга етиб олишга уринган ҳайдовчи тўсатдан вафот этди.

Эркак унинг машинасини жарима майдонига олиб кетаётган эвакуатор ортидан югуради. Бирдан мазаси қочиб, асфальтга йиқилади. Воқеа жойига тиббиёт ходимлари етиб келишади, лекин уни қутқаришнинг иложи бўлмайди.

Вафот этган одамнинг 15 йиллик ҳайдовчилик тажрибаси бўлган ва бундай вазиятларга дуч келмаган, яъни у доим интизомга риоя этган.

Унинг хотини содир бўлган воқеага қарамасдан машинани совуққонлик билан жарима майдонига олиб кетган компанияни судга бермоқчи. Аёлнинг фикрича, эркак қаттиқ ҳаяжонланганидан инфаркт бўлган ва вафот этган.