2016 йилнинг 16 март кунида Хитой Халқ Республикасида амалий ташриф билан бўлиб турган Ўзбекистон Республикаси ташқи ишлар вазири Абдулазиз Комилов Пекин шаҳрида Хитой ташқи ишлар вазири Ван И билан учрашди. Бу ҳақда Ўзбекистон ТИВ сайтида хабар берилган.

Суҳбат чоғида Ўзбекистон-Хитой муносабатларининг долзарб масалалари, жумладан ШҲТга доирасидаги ҳамкорликнинг ҳозирги ҳолати ва истиқболлари муҳокама қилинди.

Хитой томони ШҲТ аъзо давлатлар ўртасидаги ҳамкорликни янада ривожлантириш амалий масалаларини ҳал этишга қаратилган Ўзбекистоннинг ШҲТдаги раислигини юқори баҳолади.

Ўзбекистон ва Хитой ташқи сиёсат идоралари раҳбарлари Тошкент шаҳрида давлат раҳбарлари Кенгаши ва Ўзбекистон раислиги доирасидаги бошқа тадбирларнинг муваффақиятли ўтишидан бирдек манфаатдор эканликларини такидлашди.