Навоий вилояти Қизилтепа туманидан давлат рўйхатидан ўтиб, фаолият олиб бораётган “Шамшод-Шаҳзод-Шаҳрина” хусусий корхонаси раҳбари Ўткир Қаюмов қонун талаби доирасида давлат санитария, эпидемиология марказидан гигиеник хулоса сертификати олиш мақсадида вилоят ДСНЭМга мурожаат қилади. Бу ҳақда “Ҳуқуқ” нашри ёзмоқда.

Навоий вилояти ҳудудида аккредитациядан ўтмаганлиги учун бундай ҳужжатни вилоятга яқин ҳудуд Бухородан олиш мумкинлигини тушунтиришди. Бухоро вилоят ДСЭНМда пуллик хизмат кўрсатиш ва гигиеник сертификат бериш бўлими мудири вазифасида ишлаб келган Ҳожи Сафаровда Ўткир Қаюмов “қизиқиш” уйғотади. Марказда врач-лаборант вазифасида ишловчи Бахтиёр Раззоқов билан маслаҳатлашди.

2015 йил 9 март куни Бухорога сертификат олгани келган Ў.Қаюмовдан ҳужжатни бериш учун 600 минг сўм таъма қилишди. Аммо тадбиркорнинг ўз ҳақ-ҳуқуқларини билиши ва зарур пайтда тегишли органларга хабар қилиши натижасида таъмагирлар қўлга олинди.