Бугун, 18 март куни УЕФАнинг Ньон шаҳридаги қароргоҳида Европа Лигасининг 1/4 финалига қуръа ташлаш маросими ўтказилди.

Унга кўра «Ливерпуль» ва «Боруссия» билан ўйнайдиган бўлди. Яъни мерсисайдликларнинг амалдаги бош мураббийи Юрген Клопп ўзининг собиқ жамоасига қарши.

Испаниянинг икки жамоаси ушбу босқичда ҳам ўзаро тўқнаш келадиган бўлди. Ўтган босқичда «Валенсия»ни қолдириб кетган «Атлетик» бу сафар «Севилья» билан ярим финал йўлланмаси учун кураш олиб боради.

Қолган жуфтликлар қуйидагича кўриниш олди.

«Ливерпуль» – «Боруссия»
«Атлетик» – «Севилья»
«Вильярреал» – «Спарта»
«Брага» – «Шахтёр»

Эслатиб ўтамиз, Европа лигасининг 1/4 финал учрашувларининг дастлабкиси 7 апрель, жавоб учрашувлари 14 апрель куни бўлиб ўтади.