Спорт кийимлари ишлаб чиқарувчи Nike компанияси президенти Тревор Эдвардс компания роиссиялик теннисчи Мария Шарапова билан яна ҳамкорлик қилишни бошлаши мумкинлигига ишора қилди.

“Ҳар сафар бундай вазиятлар юз берганда, бу жуда аянчли ва ёқимсиз бўлади. Бироқ бизни кўпгина спортчилар илҳомлантиради. Улар ҳам биз каби оддий одамлардир. Уларнинг ҳам бошқалар каби ўзига яраша камчиликлари бор. Баъзида бундай лаҳзалар кўп нарсага ўргатади”, деб Эдвардс айтган сўзларни келтириб ўтди Reuters ахборот агентлиги.

Nike допинг можароси сабабли Шарапова билан ҳамкорлик қилишни тўхтатишга қарор қилганди.