Фарҳод ва Ширин дуэти иштирокчилари доимо бирга эканликларини қайд этишди. Улар нафақат овоз ёзиш студиясида, балки салон, спортзалда ҳам бирга бўлишларини айтишди. Бу ҳақда “Даракчи” нашри хабар берди.

Фарҳод: “Биз Ширин билан бир-биримизга жуда боғланганмиз. Аммо муҳаббат ака-сингил ва дўстлар ўртасида ҳам бўлиши мумкин-ку! Биз у билан қариндошлардекмиз. Шу билан бирга Ширин билан кўнглимиз яқин”.

Ширин: “Европа шоу-бизнесидаги машҳур дуэтларга қаранг: уларнинг ҳар бирининг ўз шахсий ҳаёти бор. Бироқ бу уларнинг бирга ижод қилишига тўсқинлик қилмайди. Аксарият мухлисларнинг фикрича, биз Фарҳод билан саҳнада Навоийнинг асаридаги севишганларга ўхшаймиз. Ахир биз саҳнада артистлармиз. Менинг Фарҳодга бўлган муҳаббатим дўстга, акага нисбатан бўладиган муҳаббатдир”.

Бу жуфтлик асарлардаги ошиқлар – Фарҳод ва Ширин каби чиндан ҳам севишганларми ёки уларни ўзлари қайд эткандек, шунчаки ака-сингил ўртасида бўлгандек илиқ муносабатлар боғлайдими, буни вақт кўрсатади.