Мафтункор юртнинг бетакрор байрами

Ўзбекистон 21 Март 2016 762

Мамлакатимизда Наврўз умумхалқ байрами кенг нишонланмоқда. Жойларда ўтказилаётган байрам сайиллари иштирокчиларининг тилида, дилида шукроналик. Истиқлолимиз, тинч ва осойишта ҳаётимиз қадри ҳақида тўлқинланиб сўзлайди улар. Юртимизга келаётган хорижлик сайёҳлар ҳам бу жараёнларга гувоҳ бўлмоқда. Улардан айримларининг таассуротлари билан қизиқдик.

Олеся Айвода (Франция):

– Ўзбекистон ва унинг қадимий шаҳарлари ҳақида кўп эшитганман, ўқиганман. Жаҳон цивилизацияси тараққиётига беқиёс ҳисса қўшган буюк алломалар юртини кўришни орзу қилардим. Қарангки, Наврўз арафасида ниятимга етдим. Бу байрам ҳақида муайян тасаввурга эга бўлсам-да, бевосита иштирок этиб ҳайратим янада ортди.

Наврўз миллий қадриятлар байрами экан. Бунга Бухоро шаҳрида ёшлар иштирокида ўтказилган фестивалда гувоҳ бўлдим. Миллий халқ ўйинлари, Наврўз тараннум этилган ялла-ю рақслар, сумалак тайёрлаётганлар ёнидан ўтар эканман, димоғимга аллақандай ажиб ҳид урилди. Тўхтаб қолдим. Нега, ийманиб турибсиз, татиб кўринг, дейишди. Бунақа тотни ҳеч қачон, ҳеч қаерда учратмаганман. Ўтмиши буюк, келажаги порлоқ халқнинг мана шундай байрамлари бўлади. Байрамингиз муборак бўлсин!

Кристиан Кайзар (Германия):

– Олий ўқув юрти ўқитувчисиман. Бухорога бир гуруҳ талаба-ёшлар билан келдим. Шаҳар, унинг тарихий обидалари бизда катта таассурот қолдирди. Ҳар бир обида ўзбек халқининг ўзидек бетакрор. Кўчалар обод, одамлар хушмуомала.

Қадимий Арк қалъаси ёнида ўтаётган Наврўз сайли устидан чиқиб қолдик. Ҳаммаси сеҳрли, гўё эртаклар оламига тушиб қолгандек бўласан киши. Биз ҳам ёшлар даврасида рақсга тушиб кетганимизни билмай қолдик.

Марико Оцука (Япония):

– Мен икки йилдан буён Ўзбекистон – Япония марказининг Бухоро бўлимида JICA (Япония халқароҳамкорлик ташкилоти) да кўнгилли сифатида ишлайман. Ўзбек тилини мулоқот қиладиган даражада ўргандим.

Ўзбекистон – мафтункор юрт, Наврўз – бетакрор байрам. Бухоро шаҳри кун сайин чирой очиб бормоқда. Бу Наврўз арафасида янада яққол сезилади. Сизларда ҳар кунинг Наврўз бўлсин, деган ибора бор экан. Бунинг замирида катта ҳикмат мужассам. Ўз тарихи, маданияти ва урф-одатларини улуғлаган халқнинг эртаси янада нурафшон бўлади.

ЎзА мухбири Э. Ёдгоров ёзиб олди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 17445 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 22486 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 11413 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 12301 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 40729 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 53000 Жамият
Кун.uz офис изламоқда
15:48 / 06.08.2017 47770 Lifestyle
Янги Android O тизимидан нималар кутиш мумкин?
Зафар Ҳошимов лотин алифбоси, ўзбек тилининг мавқеини ошириш ва чет тилларга ҳурмат сақлаш ҳақида
Япония ТИВ раҳбари: КХДР ядро дастуридан воз кечмагунга қадар унга босим ўтказиш керак
15:40 665 Жаҳон
Кўпроқ янгиликлар