Мадриднинг “Реал” клуби яримҳимоячи Гарет Бэйл билан шартнома узайтирмоқчи.

Маълум қилинишича, уэльслик футболчига амалдаги шартномани яна икки мавсумга, яъни 2021 йил ёзигача давом эттириш таклиф этилмоқчи.

Шунингдек, футболчининг маошини ҳам анчага, яъни амалдаги 9 млн евродан 20 млн еврогача ошириш режалаштирилмоқда. Бу ҳолда Бэйл клуб ҳужумчиси Криштиану Роналду билан бир хил маош олади. “Реал”нинг бу таклифи Европанинг етакчи клублари томонидан Бэйлга қизиқиш билдирилаётгани билан боғланган.