Португалиялик мураббий Жозе Моуриньо «Манчестер Юнайтед» жамоасига бош мураббий этиб тайинланган тақдирда ҳозирда Мадриднинг «Атлетико» жамоаси спорт директори сифатида ишлаётган Андреа Бертуни Англияга олиб ўтмоқчи.

The Telegraph нашри хабарига кўра, Берта Моуриньонинг агенти Жорже Мендеш билан қалин алоқаларга эга ҳисобланади.

Моуриньо «Челси»дан кетганидан кейин инглиз матбуоти унинг номини «Манчестер Юнайтед» билан боғламоқда. Манчестерликлар бош мураббийи Луи ван Гаал ёзда ўз лавозимини тарк этиши кутилмоқда.

Моуриньонинг ўзи ҳам ёзда Англия жамоаларидан бирида бош мураббий сифатида ишлай бошлашини билдирган.