Ўзбекистон Республикаси Вазирлар Маҳкамасининг 2016 йил 15 мартдаги қарорига биноан текстиль ускуналарининг асосий турларини етказиб бериш замонавий технологик талаблар ва нарх даражаси нуқтаи назаридан шартномани экспертиза қилиш ва хулоса бериш тартиби тўғрисидаги низом тасдиқланди.

Ушбу низом Ўзбекистон президентининг “Замонавий технологияларни татбиқ этган ҳолда текстиль корхоналарни техник ва технологик қайта жиҳозлаш тўғрисида”ги қарори (2016) доирасида қабул қилинди.

Текстиль ускуналарни олиб кириш учун бешта мезон киритилди:

- ишлаб чиқарилган санаси орқали белгиланадиган янгилиги (экспертиза ўтказиладиган пайтда ускуна ишлаб чиқарилганига 2 йилдан ошмаган бўлиши лозим);

- экспорт йўналиши ҳамда, аввало, ташқи бозорларда харидоргирлиги орқали аниқланадиган маҳсулот ассортименти;

- унумдорлиги;

- энергия самарадорлиги;

- нархи.

Янги қурилаётган ва қайта таъмирланаётган ишлаб чиқариш иншоотлари, техникалар ва технологиялар лойиҳаларини техник-иқтисодий жиҳатдан мувофиқлигини эксперт баҳолаш Агентлиги ушбу шартномаларни экспертиза қилади ва тегишли хулоса беради.