Техас штати маъмурияти ўз хизмат вазифаларини бажараётган муниципал хизмат ходимини ўлдиргани учун 8 йил муқаддам ўлим жазосига маҳкум қилинган жиноятчини қатл этди. Қатл ўлимга олиб келувчи инъекция киритиш билан амалга оширилди.

Қатл этилган 33 ёшли Адам Уорд йил бошидан бери Техасда қатл этилган 5-маҳбус, АҚШда бўйича эса 9-маҳбус бўлди.

2005 йил Коммерс шаҳрида Уорд турли кераксиз нарсалар билан қоплаб ташланган уйларни тартибга келтириш билан шуғулланган инспектор, 46 ёшли Майкл Уолкер билан тортишиб қолган. Уолкер ўзининг орқа ҳовлисини чиқиндихонага айлантирган Уорднинг уйига келган. Инспектор уй эгаси билан тортишиб кетган ва унга агар чиқиндихонани бартараф этиб, ҳудудни дезинфекция қилишга ижозат бермаса, ёрдам чақиртириш билан таҳдид қилган. Уорд уйга кириб кетиб, 45-калибрли тўппонча билан қайтиб келиб, Уолкерни отиб ташлаган. Унинг танасида 9 та ўқ изи аниқланган.

Жиноятчи бир неча бор жазонинг юмшатилишига ҳаракат қилган. Унинг адвокатлари Уорд ақли заифлиги, руҳий норасоликдан азият чекишига шама қилишган. Бироқ Техас судлари жазонинг юмшатилиши ҳақидаги илтимосномани рад этишган. Улар Уорд ўз ҳаракатлари ва унинг оқибатларини жуда яхши англайдиган шуурли ҳолда эканлигини айтишган. АҚШ Олий суди ҳам қатлга саноқли соатлар қолганда қотилнинг бу охирги илтимосини бажаришни рад этган.

Умумий ҳисобда АҚШда 31 та штатда ўлим жазосини амалга оширишга рухсат берилган. АҚШда жорий йилнинг апрелига ҳолатига кўра, 3002 маҳбус қатл этилишини кутиб ўтирибди. Ўлим жазоси яна қўлланиши бошланган 1976 йилдан бошлаб 2015 йил сентябригача 1414 жиноятчи қатл этилди. Уларни қатл этишнинг энг кенг тарқалган усули ўлимга олиб келувчи инъекция киритиш ҳисобланади.