“Барселона” ҳужумчиси Луис Суарес ўзининг клубдоши Неймар билан 2018 йилги жаҳон чемпионатининг Бразилия ва Уругвай терма жамоалари ўртасидаги саралаш учрашувининг ҳисоби борасида баҳс бойлади. Учрашув 26 мартда бўлиб ўтади.

Баҳс ғолиби ютуқ сифатида гамбургер олади. Бу ҳақда Eurosport.ru нашри хабар бермоқда. 

"Биз Неймар билан Бразилия-Уругвай учрашуви борасида баҳс бойладик. Ғолиб гамбургер олади. Неймар – ажойиб шерик, биз “Барселона”да доим бир-биримизга кўмак берамиз. Бўлғуси учрашувда қайси жамоа ютмасин, у бундан хушнуд бўлади, мағлуб эса бунга чидашига тўғри келади", деб айтди Суарес. 

Иккала футболчи ҳам Чемпионлар Лигасининг ўтган ҳафтадаги рамзий терма жамоасига киритилди.  

Уругвай жаҳон чемпионатининг Жанубий Америкадаги саралаш босқичида 4 та ўйинда 9 очко тўплаб, 2-ўринни эгалламоқда. Бразилия эса 7 очко билан 3-ўринни эгалламоқда. 1-ўринни Эквадор эгалламоқда.

Манба: tribuna.uz